Avqustun 7-də axşam saatlarında Rusiya hərbçiləri Donetsk vilayətinin Pokrovsk şəhərində çoxmərtəbəli yaşayış binasına raket zərbəsi endirib, ardınca “İsgəndər” raketləri ilə şəhərin mərkəzini vurublar.
Vətəninfo.az UNIAN-a istinadla xəbər verir ki, zərbə nəticəsində 9 və 5 mərtəbəli binalara, fərdi yaşayış evlərinə, mehmanxanaya, iaşə obyektlərinə, mağazalara və inzibati binalara ziyan dəyib.
İndiyə qədər 7 nəfərin öldüyü, 70-ə yaxın insanın yaralandığı məlumdur. Yaralılar arasında 29 polis, 7 xilasedici, hərbçi və iki uşaq da var.
Qeyd olunur ki, yaralılardan bir neçəsinin vəziyyəti ağırdır.
