Novorossiysk bələdiyyəsi şəhərdəki yanacaqdoldurma məntəqələrində benzinin tükəndiyini və səkkiz məntəqədə dizel yanacağının məhdud miqdarda mövcud olduğunu açıqlayıb.
Vətəninfo.az xəbər verir ki, bu barədə “Anadolu” agentliyi məlumat yayıb.
Bəyanatda əlavə edilib ki, yanacaq yalnız yanacaq kartları ilə alına bilər və bu seçim yalnız şirkət avtomobilləri üçün mümkündür.
Ukraynanın Rusiya neft emalı zavodlarına dron hücumlarından sonra ölkədəki çoxsaylı obyektlər texniki xidmət üçün bağlanıb və Rusiya hökuməti bazarı sabitləşdirmək üçün yanacaq satışı və ixracına vaxtaşırı məhdudiyyətlər tətbiq edib.
Bu arada, Moskva və Sankt-Peterburq da daxil olmaqla, ölkənin təxminən 40 bölgəsində yanacaq satışına məhdudiyyətlər tətbiq olunur.
