Rusiyanın ən varlı iş adamlarının sərvəti ilin əvvəlindən 16,5757 milyard dollar artıb. Vətəninfo.az xəbər verir ki, bunu Bloomberg Billionaires Index (BBI) reytinq məlumatları sübut edir.
İlin birinci yarısının yekunlarına görə, kapital artımında lider “LUKOIL” neft şirkətinin təsisçisi Vahid Ələkbərovdur. İlin əvvəlindən onun sərvəti 4,8 milyard dollar artaraq 20,2 milyard dollara çatıb.
2023-cü il iyulun əvvəlində Bloomberg-in milyarderlər siyahısına 24 rusiyalı daxil edilib. Agentliyin hesablamalarına görə, onların cəmi aktivləri iyulun 3-nə 289,21 milyard dollar təşkil edib.
Bloomberg-in məlumatına görə, ən zəngin rusiyalı iş adamı sərvəti 28,5 milyard dollar dəyərində qiymətləndirilən, lakin ilin əvvəlindən sərvəti 28,9 milyon azalan “Norilsk Nikel” mədən-metallurgiya şirkətinin əsas səhmdarı Vladimir Potanindir. dollar təşkil edib.
Rusiyanın ən varlı iş adamları reytinqində ikinci yeri “Novatek”in həmsahibi Leonid Mixelson tutub. Son altı ayda o, 1,5 milyard dollar zənginləşib, beləliklə, sərvəti 26,1 milyard dollara yüksəlib.
İlin əvvəlindən sərvətini 3,22 dollar artıraraq 23,1 milyard dollara çatdıran Novolipetsk metallurgiya kombinatının sahibi Vladimir Lisin üçüncü yerdədir.
Bloomberg-in hesablamalarına görə, ilin əvvəlindən ruslar arasında ən çox itirən “Evrochem” şirkətinin və Sibir Kömür Enerji Şirkətinin təsisçisi Andrey Melniçenkodur. Onun sərvəti 1,57 milyard dollar azalaraq 11,6 milyard dollar təşkil edib.
