Rusiya Federasiyasının Kaluqa vilayətində iki pilotsuz təyyarə M3 magistral yoluna düşüb. Vətəninfo.az xəvər verir ki, bu barədə regionun qubernatoru Vladislav Şapşa bildirib. Onun sözlərinə görə, ATS-lərdən biri magistralın 299-cu kilometrliyində, Jizdra qəsəbəsində, ikincisi isə avtomobil yolunun 283-cü kilometrliyində Duminiçi kəndinə düşüb.
“Heç bir partlayış baş verməyib, ərazi mühasirəyə alınıb, yerində operativ və texniki tədbirlər görülür”, – Şapşa Telegram-da yazıb.
Bundan əvvəl, iyunun 2-də Kaluqa vilayətinin hakimiyyət orqanları Kirov rayonu ərazisinə naməlum obyektin düşdüyü, yaşayış evlərinə ziyan dəymədiyi, yerli sakinlərin xəsarət almadığı barədə məlumat vermişdi.