Rusiyanın Kramatorsk “Sapphire” otelinə raket hücumu nəticəsində Britaniyanın Reuters agentliyinin 4 jurnalisti yaralanıb, daha biri itkin düşmüş hesab edilir.
Vətəninfo.az RBC-Ukraynaya istinadən xəbər verir ki, həlak olanlar arasında Ukrayna, ABŞ, Latviya və Almaniya vətəndaşları, itkin düşən jurnalist isə Böyük Britaniya vətəndaşıdır, onun dağıntılar altında olduğu ehtimal edilir.
Ukraynada işləyən polşalı jurnalist Monika Andruszewska da yaralanıb. Polsatın dediyinə görə, o, oteldə yaşamıb, ancaq zərbə zamanı maşının yanından keçib.
Ukrayna Baş Prokurorluğunun məlumatına görə, Kramatorski hücumu avqustun 24-ü axşam saatlarında “İskəndər-M” raketi ilə həyata keçirilib. Otellə yanaşı, qonşu yaşayış binalarına da ziyan dəyib.
Faktla bağlı Donetsk Rayon Prokurorluğu müharibə qanunlarını pozma maddəsi ilə (Ukrayna Cinayət Məcəlləsinin 438-ci maddəsinin 1-ci hissəsi) istintaqa başlayıb.
Elə həmin gün axşam saatlarında rus qoşunları Sumıda mülki infrastruktura hücum edib, nəticədə bir nəfər ölüb, 8 nəfər yaralanıb. Bir neçə ev və avtomobilə ziyan dəyib.
Bundan əlavə, Xerson iki dəfə atəşə tutulub. Üç nəfər həlak olub, bir yaşlı uşaq və iki pensiyaçı (66 və 77 yaşlı) yaralanıb.
