Şanxay Əməkdaşlıq Təşkilatının (ŞƏT) üzvü ölkələri, 2025-ci ilin iyun ayında İsrail və ABŞ-ın İran üzərinə apardıqları hava hücumlarını qəti şəkildə pisləyib və müharibə zamanı nüvə infrastrukturuna ziyan vurulmasının yolverilməz olduğunu qeyd ediblər. Bu barədə Vətəninfo.az xəbər agentliyi məlumat yayıb.
Təhlükəsizlik və suverenlik pozuntusu
Təşkilatın Tyanjin şəhərində keçirilən zirvə toplantısının sonunda qəbul edilən bəyanatda deyilir:
“ŞƏT üzv dövlətləri, 2025-ci ilin iyun ayında İsrail və ABŞ tərəfindən İslam Respublikası İranına qarşı həyata keçirilən hərbi zərbələri qəti şəkildə pisləyir. Mülki obyektlərə, o cümlədən nüvə-energetika infrastrukturuna edilən belə aqressiv hücumlar, dinc əhalinin ölümünə səbəb olmuşdur və beynəlxalq hüququn prinsiplərini və Birləşmiş Millətlər Təşkilatının Nizamnaməsini kobud şəkildə pozur, İranın suverenliyinə qarşı təcavüzdür.”
ŞƏT üzv ölkələri və partnyorlar
Şanxay Əməkdaşlıq Təşkilatına Çin, Rusiya, Qazaxıstan, Tacikistan, Qırğızıstan, Özbəkistan, Hindistan, Pakistan, İran və Belarusiya daxildir. Ermənistan, bir sıra digər ölkələr ilə yanaşı, ŞƏT-in dialoq tərəfdaşı statusuna malikdir.
Zirvə toplantısı
ŞƏT-in 25-ci Zirvə Toplantısı 31 avqust – 1 sentyabr tarixlərində Çinin Tyanjin şəhərində keçirilib.
