13 noyabr tarixində Mingəçevir Gənclər Evində Azərbaycan-Slavyan Gəncləri Assosiasiyası və 7NEWS.az informasiya portalının birgə ərsəyə gətirdiyi “Şəhid Tural və Musanın dastanı: TARİX YAZAN ƏFSANƏVİ QARDAŞLAR” tanıtım filmi şəhər ictimaiyyətinə təqdim edilib. Tədbirdə, həmçinin, ASGA-nın dəstəyi ilə çap edilən Şəhid Musa Həsənovun əlyazma şeirlərindən ibarət “Gəlsənə dünyadan bir yerdə köçək” adlı şeirlər kitabı da təqdim edilib. Tədbiri giriş sözü ilə açan ASGA sədri Səbuhi Abbasov bu filmin sayca 16-cı tanıtım filmi olduğunu dedi.
Sonra Mingəçevir şəhərinin ictimai həyatında fəal iştirak edən jurnalistlər, şəhər nümayəndələri ASGA Fəxri Diplomu ilə təltif ediliblər.
