İstanbul Polis İdarəsinin Mütəşəkkil Cinayətkarlıqla Mübarizə Şöbəsinin qrupları sərnişin avtobusunda daşınan icazəsiz silahları aşkar ediblər.
Vətəninfo.az xəbər verir ki, bu barədə “TRT Haber” məlumat yayıb.
İstanbul Anadolu Baş Prokurorluğu tərəfindən əlaqələndirilən əməliyyatda qruplar Tuzla TEM şossesində silahların olduğu avtobusu dayandırıblar.
Nəqliyyat vasitəsinin ətraflı axtarışı zamanı qruplar köməkçi yanacaq çəninin arxasındakı bölmədə gizlədilmiş 120 tapança ələ keçiriblər.
Əməliyyatda saxlanılan dörd şübhəli polis bölməsində və prokurorluqda prosedurlardan sonra məhkəmə tərəfindən həbs edilib.
