Cənubi Koreya hakimiyyəti KXDR-in müharibəyə başlaya biləcəyinə şübhə ilə yanaşdığını bildirib.
Vətəninfo.az xəbər verir ki, bu barədə Koreya Respublikası Prezidenti Administrasiyasının Milli Təhlükəsizlik Departamentinin rəhbəri Şin Von-sik KBS telekanalında məlumat verib.
“Düşünürəm ki, Şimali Koreya intihar etmək qərarına gəlməsə, müharibəyə başlamayacaq”, – TASS onun sözlərini sitat gətirib.
Siyasətçi onu da əlavə edib ki, Cənubi Koreya Pxenyanın təxribatlarına cavab verməyə hazır olmalıdır.
