Polşanın Xarici İşlər naziri Radoslav Sikorski bildirib ki, Ukrayna hələ üç il müharibəyə hazırlaşır.Vətəninfo.az xəbər verir ki, bu barədə Reuters agentliyi məlumat yayıb.
Londonda İranın Shahed-136 dronunun təqdimatında çıxış edən Sikorski Avropa ölkələrini Ukraynaya dəstək mövqeyini qorumağa çağırıb. O, ABŞ Prezidenti Donald Trampın Kiyevə “Tomahawk” uzaqmənzilli raketləri təqdim etməsini ümid etdiyini bildirib. Bu raketlər Rusiyanın infrastrukturuna zərbələr endirmək üçün istifadə olunacaq.
Nazir vurğulayıb ki, Avropa Ukraynanı ən azı üç il dəstəkləməyə hazır olmalıdır:
“Ukraynalılar bu müharibəni üç illik planla aparırlar və bu məntiqlidir. Biz isə Putinə göstərməliyik ki, ən azı bu üç il ərzində mövqeyimizi qoruyacağıq.”
Sikorski əlavə edib ki, Ukraynaya əlavə hava hücumundan müdafiə sistemlərinin və yaxın və orta mənzilli silahların tədarükü Avropanın təhlükəsizliyi üçün zəruridir. O, Rusiyanın Polşanın hava məkanını pozması hallarını və Estoniya üzərində döyüş təyyarələrinin uçuşlarını xatırladıb.
Sualı cavablandırarkən, “dron divarı” təşəbbüsünün genişləndirilməsi barədə Sikorski qeyd edib ki, Rusiya “Avropanın dərinliklərinə çata bilər”:
“Biz buna qarşı hazır olmalıyıq. Hava dronlarına qarşı potensialı indi inkişaf etdirməmək məsuliyyətsizlik olar.”
