Təxminən 20 Şimali Koreya əsgəri demarkasiya xəttini keçib və Cənubi Koreya hərbçiləri xəbərdarlıq atəşi açıb.
Vətəninfo.az xəbər verir ki, bu barədə “Yonhap” Birləşmiş Qərargah Rəisləri Komitəsinə istinadən məlumat yayıb.
JCS-nin məlumatına görə, Şimali Koreya əsgərləri sərhədi keçərək mərkəzi bölgədəki hərbisizləşdirilmiş zonaya keçiblər. Xəbərdarlıq atəşi açdıqdan sonra onlar sərhədin öz tərəflərinə qayıtdılar.
JCS hesab edir ki, demilitarizasiya zonasında missiya yerinə yetirən Şimali Koreya qoşunları xəbərdarlıqdan dərhal sonra geri qayıtdıqları üçün sərhədi keçmək niyyəti olmayıb. Onlar izah ediblər ki, hazırda ərazini ot və kol basıb, sərhəd xəttini görmək çətinləşib.
