Türkiyə Silahlı Qüvvələrinin separatçı terror təşkilatı PKK/YPG-yə qarşı əməliyyatları qətiyyətlə davam edir.
Vətəninfo.az xəbər verir ki, Türkiyə Milli Müdafiə Nazirliyindən verilən açıqlamaya görə, son bir həftədə 67 terrorçu zərərsizləşdirilib.
Bir il ərzində zərərsizləşdirilən terrorçuların sayı 1062 olub. 2015-ci ildən bu yana zərərsizləşdirilən terrorçuların ümumi sayı 38 min 405 nəfər olaraq qeyd edilib.
Bu həftə İraqın şimalında “Pəncə-Kilid” əməliyyatı çərçivəsində çoxlu sayda və müxtəlif növ sursat ələ keçirilib. Aşkarlanan 3 anbarda təxminən 100 min AK-47 sursat tapılıb.
Suriyada həyatın normallaşması, sabitliyin bir an əvvəl bərqərar olması və suriyalıların təhlükəsiz mühitə qayıtması üçün fəaliyyətlər də davam edir.
Cari ilin əvvəlindən bu yana əməliyyat bölgələrində 33-ü son bir həftədə olmaqla 777 terrorçu zərərsizləşdirilib.
