Rusiyada prezident seçkiləri martın 17-də keçiriləcək. Müvafiq qərarı Rusiya Federasiyasının Federal Şurası (Rusiya Parlamentinin ən yüksək palatası) qəbul edib. Vətəninfo.az xəbər verir ki, bu barədə Rusiya KİV yazır.
Bundan əvvəl Rusiya Federasiyası Sağ Qüvvələr İttifaqından Dövlət Dumasının keçmiş deputatı, Moskva yaxınlığındakı Dolqoprudnı Deputatlar Şurasının üzvü Boris Nadejdin “Vətəndaş Təşəbbüsü” partiyasından prezidentliyə namizədliyini irəli sürəcəyini açıqlamışdı. Beləliklə, o, 2024-cü ildə keçiriləcək prezident seçkilərində iştirak etmək qərarını açıqlayan ilk namizəd olub.
Digər siyasi xadimlər, o cümlədən Rusiya Federasiyasının indiki və uzun müddətdir ki, prezidenti olan Vladimir Putin hələlik yekun qərar qəbul etməyiblər.
