Milli Məclisə növbədənkənar seçkilərin təyin edilməsi haqqında Azərbaycan Prezidentinə göndəriləcək müraciət mətninin hazırlanması üçün yaradılan komissiya öz işini yekunlaşdırıb.
Vətəninfo.az xəbər verir ki, Adil Əliyevin sədrliyi ilə yaradılmış komissiyanın hazırladığı müraciət mətnini deputat Tahir Rzayev oxuyub.
Müraciətdə hakim partiyanı təmsil edən deputatların təşəbbüsünü zəruri edən amillərdən bəhs olunub.
Daha sonra növbədənkənar seçkilərin təyin edilməsi haqqında Azərbaycan Prezidentinə müraciət edilməsi barədə məsələ səsverməyə qoyularaq qəbul edilib.
Müraciətin lehinə 105, əleyhinə isə 1 nəfər səs verib.
