NATO-nun baş katibi Yens Stoltenberq postunu tərk etməzdən əvvəl vida nitqində deyib ki, Ukraynada sülhün əldə olunması paradoksal olaraq Kiyevə verilən silahların miqdarından asılıdır.
Vətəninfo.az xəbər verir ki, Stoltenberq həmçinin Rusiyanın iştirakı ilə sülh danışıqlarının aparılmalı olduğunu qeyd edib və Ukraynanın alyansa üzv olacağına əminliyini bildirib.
“Hərbi güc dialoq üçün zəruri şərtdir”, – Stoltenberq bildirib. “Nə qədər çətin olsa da, qonşularımızla danışmalıyıq”. Lakin dialoq yalnız güclü müdafiə ilə dəstəklənəndə işləyir. Bunu Ukraynanın timsalında da aydın görmək olar”.
Eyni zamanda, hərbi gücün öz məhdudiyyətləri var ki, bunu Əfqanıstanın nümunəsi də aydın şəkildə göstərir”, – o əlavə edib.
“Ukraynaya daha çox silah verməklə biz Putinə istədiyini güclə əldə edə bilməyəcəyini başa sala bilərik və bunu o qədər bahalaşdıra bilərik ki, o, Ukraynanın suveren demokratiya kimi yaşamaq üçün suveren demokratik hüququ olduğunu qəbul etməli olacaq” o
“Paradoks ondan ibarətdir ki, biz Ukraynaya nə qədər çox silah tədarük etsək, sülhə nail olmaq və müharibəni bitirmək ehtimalımız bir o qədər çox olacaq. Uzunmüddətli hərbi dəstəyimiz nə qədər etibarlı olsa, müharibə bir o qədər tez bitəcək”.
Alyansın səlahiyyət müddəti başa çatan baş katibinin fikrincə, istənilən gələcək razılaşma Ukraynaya güclü hərbi dəstək və davamlı sülhün təmin edilməsi üçün etibarlı təhlükəsizlik zəmanəti ilə dəstəklənməlidir.
Stoltenberq həmçinin qeyd edib ki, sabit Ukrayna olmadan Avropada sabit təhlükəsizlik ola bilməz, Ukrayna NATO-ya üzv olmadan sabit təhlükəsizlik ola bilməz. “NATO-nun qapıları açıqdır. Ukrayna da ona qoşulacaq”, – deyə o bildirib.
