Vətəninfo.az xəbər verir ki, dünən Suriya Ordusu və Suriya Demokratik Qüvvələri (SDF) arasında Raqqa əyalətinin şərqində yeni silahlı toqquşmalar baş verib. Suriya Müdafiə Nazirliyi, qarşıdurmanın iki ölüm və bir neçə yaralanma ilə nəticələndiyini və SDF-nin hücumuna cavab olaraq həyata keçirildiyini açıqlayıb.
SDF isə, Suriya Ordusunun hücumlarını bölgədə gərginlik yaratmaq və mülki əhalinin həyatını təhlükəyə atmaq məqsədi ilə həyata keçirdiyini bildirib. Bundan əvvəl SDF, ərazidəki İŞİD mövqelərinə dronlar vasitəsilə zərbə endirdiklərini açıqlamışdı.
Bu toqquşmalar, SDF-nin Suriya hökuməti ilə 10 martda əldə edilən inteqrasiya razılaşmasının həyata keçirilməsi prosesində qarşıya çıxan maneələr fonunda baş verir. İki tərəf arasında gərginlik və toqquşmalar son dövrlərdə tez-tez təkrarlanır.
