TEKNOFEST 2025 çərçivəsində təşkil olunan və Milli Texnologiya Hərəkatının dənizlərdəki simvolu sayılan “TEKNOFEST Mavi Vatan” festivalında bu gün sonuncu gündür.
Festivalın dördüncü və son günündə minlərlə insan səhər saatlarından etibarən əraziyə axın edib. Ziyarətçilər Türkiyə müdafiə sənayesinin dəniz qüvvələri üçün hazırladığı yüksək texnologiyalı məhsulları yaxından görmək imkanı əldə edirlər.
Ziyarətçilər ərazidə sərgilənən hərbi gəmilərin qarşısında xatirə şəkilləri çəkdirir. Xüsusilə də Türkiyənin ən böyük hərbi gəmisi olan TCG Anadoluya baxmaq üçün uzun növbələr yaranıb.
Bundan əlavə, TCG İstanbul, TCG Burgazada, TCG Oruçreis, TCG Nusret, TCG Sakarya və TCG Hızırreis kimi Türkiyə Donanmasının önəmli platformaları da sərgilənir və böyük maraqla qarşılanır.
Festival çərçivəsində ziyarətçilər yalnız donanma gəmiləri ilə deyil, həm də Türkiyənin milli müdafiə sənayesi məhsulları, silah sistemləri və texnoloji yenilikləri ilə tanış olurlar.
TEKNOFEST Mavi Vatan, milli texnologiyanın gələcəyinə olan güvəni artırmaq və gənclərə ilham vermək məqsədi ilə təşkil olunur.
