“Boko Haram” terror təşkilatının Nigeriyanın şimal-şərqində təşkil etdiyi hücumda 13 nəfər həlak olub.
Yerli mətbuatın məlumatına görə, terror təşkilatı “Boko Haram” silahlıları Borno əyalətinin Vulari kəndində hücum həyata keçirib.
Hücumda 13 mülki vətəndaş həyatını itirib, çoxlu sayda insan yaralanıb.
Qeyd edək ki, Nigeriyada 2000-ci illərin əvvəllərindən bəri mövcud olan “Boko Haram” silahlılarının təşkil etdiyi kütləvi zorakılıqlarda on minlərlə insan həyatını itirib.
Təşkilat 2015-ci ildən ölkənin sərhəd qonşuları Kamerun, Çad və Nigerdə də hücumlar həyata keçirir.
