ABŞ prezidenti Donald Trampın siyasəti ABŞ-da külək enerjisi sektorunu iflic vəziyyətinə salıb . Vətəninfo.az xəbər verir ki, bu barədə The Wall Street Journal yazıb .
Qəzet xatırladır ki , Ağ Evə qayıdan Tramp sahil sularında və quruda külək elektrik stansiyalarının quraşdırılması üçün federal icazələrin verilməsini dayandıran , həmçinin artıq verilmiş lisenziyalara yenidən baxılması haqqında sərəncam imzalayıb . Bu tədbirlər qəbul edilməmişdən əvvəl başlanmış layihələr üzərində iş davam etsə də , onlara cəlb olunmuş şirkətlər qeyri – müəyyənlik içərisində qalır və bundan sonra onları nə gözlədiyini anlamırlar .
Xüsusilə , Fransanın TotalEnergies enerji şirkəti ABŞ- dakı dəniz külək layihələrini dörd il müddətinə təxirə salıb , Britaniyanın neft və qaz nəhəngi Shell 1 milyard dollar itki ilə üzləşib , Danimarkanın enerji şirkəti Orsted – in itkiləri 1,7 milyard dollara çatıb , The Wall Street Journal qeyd edib .
Tramp yanvarın 21-də bəyan edib ki, ABŞ administrasiyası ölkədə karbohidrogen hasilatını artırmaq və külək enerjisinin inkişafından imtina etmək üçün tədbirlər görəcək.
