ABŞ Xarici Xidmət Təşkilatı və Hökumət İşçiləri Federasiyası Ağ Evin ABŞ Beynəlxalq İnkişaf Agentliyini (USAID) bağlamaq cəhdlərini əngəlləmək üçün Kolumbiya dairəsində Tramp administrasiyasına qarşı iddia qaldırıb.
Vətəninfo.az CNN-ə istinadən xəbər verir ki, iddiaçılar Trampın bir sıra “konstitusiyaya zidd və qeyri-qanuni hərəkətlər” etdiyini iddia edirlər.
“Bu hərəkətlər USAİD əməkdaşlarının, qrant alanların və podratçıların həyati vacib işini qəfil dayandıraraq qlobal humanitar böhran yaradıb. Onlar minlərlə amerikalıya işləri bahasına başa vurub. Və ABŞ-ın milli təhlükəsizlik maraqlarını təhlükəyə atıb”, – iddiada deyilir.
Həmkarlar ittifaqı ABŞ Konqresinin USAID-i ləğv etmək səlahiyyətinə malik olan yeganə orqan olduğunu deyirlər.
İddiaçılar məhkəmədən Tramp administrasiyasının hərəkətlərini qanunsuz elan etməyi və administrasiyadan “Konqres tərəfindən icazə verilməyən bir şəkildə USAID-i bağlamaq səylərini dayandırmağı” tələb edir.
