“Biz prezident Trampın gələcək administrasiyası və müşavirləri ilə əlaqə saxlayırıq. Biz səylərimizi onlarla əlaqələndirməyə çalışırıq. Biz hamımız razıyıq və prezident vəzifəyə başlayana qədər bu vəziyyətdən çıxacağımıza ümid edirik, çünki bizim Qəzzada vəziyyəti sabitləşdirmək üçün prioritetlərimiz var, regional təhlükəsizliyi bərpa etmək üçün prioritetlərimiz var”, – deyə o bildirib.
Qətərin baş naziri təsdiqləyib ki, Trampın komandası kommunikasiyalarda yanvarın 20-də baş tutacaq andiçmə mərasimindən əvvəl bu məsələni həll etmək istədiklərini bildirib.
“Biz bunu onun komandasından eşitdik, onlarla apardığım söhbətlərdə dedilər ki, bunun (red.: HƏMAS ilə sövdələşmə məsələsi) indi, hətta bu gün də həll olunmasını istəyirlər.
Mohammed bin Abdulrahman Al Thani-nin sözlərinə görə, Qəzza zolağında döyüşlərin dayandırılması hər tərəfdən “maksimum təzyiq” tələb edir.
Trampın seçilməsinin Yaxın Şərq üçün nə demək olduğu barədə danışan Al Thani, “bir çox risklərin”, eyni zamanda “bir çox imkanların” olduğunu söylədi.
“Ümid edirəm ki, hər kəs bu imkanları görəcək”, o əlavə edib.
Qəzzada atəşkəslə bağlı danışıqlar indiyədək nəticəsiz qalıb.
2023-cü il oktyabrın 7-də HƏMAS-ın hücumu nəticəsində İsraildə 1200 nəfər həlak olub, 250-yə yaxın insan isə əsir götürülüb. İsrailin Qəzza zolağında cavab hərbi əməliyyatları nəticəsində fələstinlilərin sayı 44 500 nəfəri keçib.
