Vətəninfo.az xəbər verir ki, ABŞ prezidenti Donald Tramp bazar günü axşam Mar-a-Laqodan qayıdarkən Vaşinqton yaxınlığındakı Endryus Hərbi Hava Qüvvələri bazasında keçirdiyi mətbuat konfransında deyib ki, Birləşmiş Ştatlar Avropa İttifaqından (Aİ) idxala əlavə gömrük rüsumları tətbiq etməkdə qərarlıdır.
“Avropa İttifaqı ilə bağlı bu, mütləq olacaq, bunu sizə deyə bilərəm”. “Çünki onlar həqiqətən bizdən istifadə edirlər”, – Amerika lideri Vaşinqtonun əlavə idxal tarifləri tətbiq etməsini şərh edərkən vurğulayıb. O, ABŞ-ın Aİ ilə ticarətdə bu proteksionist tədbirləri “çox yaxında” qəbul etmək niyyətində olduğunu açıqlayıb.
Eyni zamanda Tramp qeyd edib ki, Aİ ilə ikitərəfli ticarət kəsiri 300-350 milyard dolları ötür. “Demək olar ki, heç nə almırlar.” “Və biz hər şeyi onlardan alırıq” dedi Tramp, “Avropa İttifaqı özünü tamamilə qeyri-münasib aparır”. “Əlbəttə, nəsə baş verməlidir” deyə təkrarladı.
Prezident həmçinin Britaniyanın ABŞ-a qarşı ticarət siyasətini tənqid edib. “Ancaq düşünürəm ki, bunu həll etmək olar”, – Tramp əlavə edib. O, Britaniyanın baş naziri Keir Starmer ilə “çox yaxşı” münasibətə malik olduğunu qeyd edib.
