Vətəninfo.az xəbər verir ki, ABŞ prezidenti Donald Tramp bəyan edib ki, Vladimir Zelenski döyüşmək istədiyi üçün Ukrayna münaqişəsinin həlli ilə bağlı razılıq əldə olunmayıb.
“Biz razılığa gələ bilərdik və Zelenski döyüşmək istədiyinə qərar verdi”, – deyə Tramp Ukraynadakı münaqişənin həlli imkanlarını şərh edərkən bildirib.
ABŞ prezidenti əlavə edib ki, Zelenski mələk deyil və Rusiyanın Ukraynada xüsusi əməliyyatının başlamasına icazə verməməli idi.
“Sizə deyirəm, Zelenski bu məsələni həll etmək istəyir. O da bundan bezdi”, – Tramp deyib.
Ağ Evin yeni rəhbəri münaqişəni dərhal dayandırmağa çağırıb və əlavə edib ki, Ukrayna dağıdılıb.
