Wall Street Journal məlumatlı mənbələrə istinadən yazır ki, ABŞ-ın yeni seçilmiş prezidenti Donald Tramp Pentaqonun rəhbəri postuna əvvəllər ABŞ müdafiə naziri vəzifəsinə irəli sürülən Pit Heqsetin yerinə Florida ştatının qubernatoru Ron DeSantisin namizədliyini irəli sürmək imkanını nəzərdən keçirir.
Vətəninfo.az xəbər verir ki, nəşrin yazdığına görə, Tramp həm respublikaçı senatorlar, həm də demokrat konqresmenlər Heqsetin namizədliyindən narazı olduqları üçün kabinetdə növbəti dəyişiklik barədə düşünür.
Mənbələrə görə, Desantis əvvəllər onun keçid komandasının Trampa təqdim etdiyi müdafiə naziri namizədləri siyahısında olub, lakin Respublikaçı Heqsetti seçib. Nəşrin həmsöhbətləri hesab edirlər ki, qarşıdakı 48 saat yəqin ki, Heqset üçün həlledici olacaq.
Qeyd edildiyi kimi, Desantisə Pentaqonun rəhbəri vəzifəsinə mümkün namizədlik barədə artıq məlumat verilib.
O, Respublikaçılar Partiyasından prezidentliyə namizəd olmaq üçün Trampın rəqibi idi. Yanvarın sonunda o, yarışdan çıxdığını bəyan edib və keçmiş rəqibini dəstəkləyib.
