Donald Tramp ABŞ tarixində cinayət törətməkdə təqsirli bilinən ilk prezident olub. Nyu York məhkəməsi onu maliyyə hesabatlarını saxtalaşdırmaqda təqsirli bilib. Vətəninfo.az-ın məlumatına görə , bu barədə “Reuters” agentliyi məlumat yayıb.
İki gün davam edən müzakirələrdən sonra 12 münsiflər heyəti Trampı bütün 34 maddə üzrə təqsirli bilib.
İyulun 11-də hökm oxunacaq. Noyabrın 5-də keçiriləcək prezident seçkilərində Respublikaçılar Partiyasının Trampı namizəd kimi irəli sürəcəyi gözlənilir.
Tramp 2016-cı il seçkilərindən əvvəl porno ulduz Stormi Danielsə səssiz qalmaq üçün 130 min dollar ödəməkdə və buna görə biznes hesabatlarını saxtalaşdırmaqda ittiham olunur. Biznes sənədlərinin saxtalaşdırılmasına görə maksimum cəza 4 il həbsdir, baxmayaraq ki, bu cür işlərdə mühakimə olunanlar ümumiyyətlə daha qısa həbs müddətləri, cərimələr və ya sınaq müddəti alırlar. Tramp həbs cəzasına məhkum edilərsə, o, seçki kampaniyalarında iştirak edə bilməyəcək və qalib gələrsə, vəzifəyə başlaya bilməyəcək.
77 yaşlı Tramp ona qarşı irəli sürülən ittihamları rədd edir. vəkili məhkəmənin qərarından apellyasiya şikayəti verəcəyini bildirib.
ABŞ-ın sabiq prezidenti hökmdən sonra jurnalistlərlə söhbətində deyib: “Əsl hökm noyabrın 5-də xalq tərəfindən veriləcək”.
