ABŞ prezidenti Donald Trampın administrasiyası Harvard Universitetinə 2,2 milyard dollar dəyərində çoxillik qrantları, eləcə də universitet Ağ Evin bir sıra tələblərini rədd etdikdən sonra 60 milyon dollarlıq çoxillik müqaviləni dondurub. Vətəninfo.az xəbər verir ki , bu barədə CNN məlumat yayıb.
Aprelin 14-də Harvard Universiteti ABŞ administrasiyasının siyasətində dəyişiklik etmək tələblərini rədd etdiyini açıqladı.
Harvardın prezidenti Alan M. Qarberin bəyanatında “Universitet öz müstəqilliyindən və ya konstitusiya hüquqlarından imtina etməyəcək”.
Keçən həftə universitet Ağ Ev administrasiyasından əlavə tələblər, o cümlədən onun idarəçiliyinə dəyişikliklər, işə qəbul təcrübələri, qəbul prosedurları, bərabərlik, müxtəliflik və daxilolma proqramları ilə bağlı məktub aldı.
Tramp administrasiyası siyasətlərini dəyişdirməsələr, bir çox ABŞ universitetlərini maliyyəni kəsməklə hədələyib. CNN qeyd edir ki, Harvard Universitetinin bu addımı, əslində, belə bir nüfuzlu qurumun Ağ Evin tələblərini ilk dəfə rədd etməsidir.
