Vətəninfo.az xəbər verir ki, ABŞ prezidenti Donald Tramp “Truth Social” platformasında paylaşım edərək İranın nüvə obyektlərinə mümkün yeni hava zərbələri ilə bağlı xəbərdarlıq edib. O bildirib ki, lazım gələrsə, bu obyektlərə yenidən hücum ediləcək.
Tramp paylaşımında CNN kanalını və onun müxbirini tənqid edib: “Saxta CNN tezliklə məndən və İranın nüvə obyektlərini məhv edən böyük pilotlardan üzr istəməlidir”. O, İranın nüvə proqramının hədəfə alınmasını bir daha müdafiə edib.
Xatırladaq ki, CNN kanalı iyul ayında xəbər verib ki, ABŞ-nin son hava zərbələri İranın nüvə infrastrukturunu tam məhv etməyib, yalnız atom proqramını cəmi bir neçə ay ləngidib. Bu xəbər Tramp və media arasında gərginliyi yenidən artırıb.
