Cümə günü, oktyabrın 17-də türk lirəsi 0,2% ucuzlaşaraq 1 dollar üçün 41,95-ə düşüb. İlin əvvəlindən bu yana 16% azalıb və ardıcıl 15 həftədir ki, enir.
“Lirənin çökməsi təəccüblü deyil – valyuta 2023-cü ildən bu yana demək olar ki, hər gün orta hesabla ABŞ dolları qarşısında tarixi minimuma çatıb. İnvestorlar üçün iki şey vacibdir: birincisi, mərkəzi bankın valyutanın nizamlı şəkildə ucuzlaşması üçün kifayət qədər ehtiyatlarının olub-olmaması; ikincisi, bu ucuzlaşmanın sürəti”, – “Portal” Qrupunun baş məsləhətçisi Emre Akçakmak, S. Cakmakmak izah edir.
Türkiyə hökuməti lirənin itkilərini istehlakçı inflyasiya səviyyəsindən aşağı saxlamağa çalışır. Sentyabrda inflyasiya gözləniləndən yüksək olsa da, valyuta yavaş-yavaş enişini davam etdirdi. Morgan Stanley (investisiya bankçılığı, aktivlərin idarə edilməsi və qiymətli kağızlar xidmətləri göstərən Amerika beynəlxalq maliyyə xidmətləri şirkəti – red.) iqtisadçılarının fikrincə, ölkənin mərkəzi bankı real faiz dərəcələrini artırmadan inflyasiya ilə mübarizəyə kömək etmək üçün lirənin dəyər itirmə sürətini “azalda bilər”.
Qeyd edilir ki, Türkiyədə illik inflyasiya bir ildən artıq müddətdə ilk dəfə olaraq sentyabr ayında sürətlənib.
