Türkiyədə seçki qutularının 99.99 faizi açılıb. Parlament seçkilərinin nəticələrinə görə, “Cümhur İttifaqı” 49,31 faiz, “Millət İttifaqı” 35,19 faiz, “Əmək və Azadlıq İttifaqı” 10,51 faiz, “Ata İttifaqı” 2,46 faiz, “Sosialist Güc Birliyi” 0,29 faiz səs toplayıb.
Vətəninfo.az xəbər verir ki, ümumilikdə Türkiyə Böyük Millət Məclisinə 87 seçki dairəsində 600 millət vəkili seçiləcək. Seçkilərdə 24 partiya və 151 müstəqil namizəd iştirak edib.
Son məlumatlara görə, parlament seçkilərində namizədliyi irəli sürülmüş 10 partiya lideri Türkiyə Böyük Millət Məclisinə daxil olmaq hüququ qazanıb.
Deputat mandatı qazanan partiya liderlərinin siyahısı:
Milliyyətçi Hərəkat Partiyasının (MHP) sədri Dövlət Baxçalı
HÜDA-PAR-ın sədri Zekeriya Yapıcıoğlu
Demokratik Sol Partiyasının (DSP) sədri Öndər Aksakal
Yenidən Rifah Partiyasının sədri Fatih Ərbakan
Türkiyə Dəyişiklik Hərəkatının lideri Mustafa Sarıgül
Yaşıl Sol Partiyasının həmsədrləri İbrahim Akın və Çiğdem Kılıçgün
Türkiyə Fəhlə Partiyasının sədri Erkan Baş
Halkların Demokratik Partiyası (HDP) həmsədrləri Pervin Buldan və Mithat Sancar
