Türkiyənin Adana vilayətinin Çukurova şəhərinin meri Emrah Kozay, keçmiş bələdiyyə sədri Soner Çetin və onun müavinləri korrupsiya istintaqı çərçivəsində saxlanılıblar.
Vətəninfo.az-ın məlumatına görə, oktyabrın 19-da hüquq-mühafizə orqanları Çukurova bələdiyyəsində xüsusi əməliyyat keçirib. Əməliyyat zamanı iş üzrə ümumilikdə 34 nəfər saxlanılıb.
İstintaq dövlət tenderləri və birbaşa satınalmalar zamanı yol verilmiş mümkün qanun pozuntuları və sui-istifadə halları ilə bağlı aparılır.
İstintaqın digər detalları və saxlanılan şəxslərə qarşı irəli sürülən ittihamlar barədə əlavə məlumat verilməyib.
