Türkiyənin şərqində yerləşən Van vilayətinin Muradiye bölgəsində neft kəşfiyyatı aparılır. Vətəninfo.az xəbər verir ki, bu barədə Türkiyə mediası məlumat yayıb.
Axtarışlarda Türkiyə Neft Şirkətinin (TPAO) 200 nəfərlik heyəti və 30 texnikası iştirak edir.
Bölgə rəhbəri Melih Aydoğan və hakim Ədalət və İnkişaf Partiyasının (AKP) vilayət başqanı Abdullahat Arvasın dediyi kimi, görülən işlərin səmərəsi tezliklə görünəcək.
“Biz 3-4 aydan bir əlamətlər görürük.” Şırnakda olduğu kimi buradan da neft çıxacaq. “Allah qoysa, texnoloji imkanlarla 1500 metr dərinliyə qazmaqla bir neçə aya neftə çatacağıq”, – Abdullahhət Arvas bildirib.
