Türkiyə prezidenti Rəcəb Tayyib Ərdoğan Suriya prezidenti Bəşər Əsədlə təmasda olmaq istəyindən dəfələrlə danışıb, lakin o, cavab verməyib.
Vətəninfo.az xəbər verir ki, TASS-ın məlumatına görə, bu barədə Ankarada jurnalistlərə hakim “Ədalət və İnkişaf” partiyasının Türkiyədəki rəsmi nümayəndəsi Ömər Çelik bildirib.Onun sözlərinə görə, son aylar Türkiyə prezidenti dəfələrlə normallaşma prosesinin və müvafiq təmasların aparılmasının zəruriliyini bəyan edib, lakin onun qiymətləndirməsində Suriya tərəfi ləng hərəkət edib və hərtərəfli diplomatik hərəkətlərə başlamaq iqtidarında olmadığını nümayiş etdirib.Çelikin sözlərinə görə, Türkiyə prezidenti bəzi xarici dövlətlərin və ünsürlərin prosesə müdaxilə etməsinə imkan vermədən tərəflərin regionun məsələlərini müstəqil şəkildə həll etməli olduğunu vurğulayıb. O əlavə edib ki, Ərdoğanın çağırışı vaxtındadır və əsas məsələ Suriyanın inklüziv idarəçilik modeli yarada bilməsi üçün gərginliyə son qoymaqdır, bu barədə Astanada və Cenevrə proseslərində çox danışılıb.
