Ukrayna Beynəlxalq Valyuta Fondundan 1,1 milyard ABŞ dolları alıb. Vətəninfo.az xəbər verir ki, bu barədə Ukraynanın baş naziri Denis Şmıqal məlumat verib.
Baş nazir qeyd edib ki, bu, EFF Genişləndirilmiş Maliyyələşdirmə Proqramı çərçivəsində birgə layihənin altıncı hissəsidir.
“Vəsaitlər artıq Ukrayna hesablarına köçürülüb. Biz onlardan mühüm büdcə xərclərini maliyyələşdirmək üçün istifadə edəcəyik”, – Şmiqal qeyd edib.
Ümumiyyətlə, bu proqram çərçivəsində Ukrayna artıq Beynəlxalq Valyuta Fondundan 9,8 milyard dollar alıb, hökumət başçısı xatırladıb.
