Ukrayna Silahlı Qüvvələri işğal altındakı Krım yarımadasına desant çıxarıb.
Vətəninfo.az xəbər verir ki, bununla bağlı Ukrayna hərbi kəşfiyyatı video yayımlayıb.
“Stuqna” və “Bratstvo” adlı desant dəstələrinin Krım sahillərinə çıxaraq, Rusiya hərbçilərini məhv etdikləri bildirilir. Videodan da göründüyü kimi, ukraynalı xüsusi təyinatlılar bir neçə qayıqda sahilə doğru hərəkət ediblər.
Videogörüntülərdə yer alan döyüşçülər “Krım ya Ukraynanın olacaq, ya da insansız olacaq”, – deyə bildirirlər. Ukrayna ordusunun bu növbəti uğurlu əməliyyatı Rusiyanın Krımı nə havadan, nə də dənizdən lazımınca qoruya bilmədiyinin göstəricisi sayılır.
