Ukrayna MDB-yə üzv dövlətlərlə ictimai səhiyyə sahəsində əməkdaşlıq sazişindən çıxıb. Vətəninfo.az “RİA Novosti” yə istinadən verdiyi məlumata görə , bu barədə ölkənin Nazirlər Kabinetinin Ali Radadakı nümayəndəsi Taras Melniçuk bildirib.
“Ukrayna 1992-ci il iyunun 26-da Minskdə imzalanmış ictimai səhiyyə sahəsində əməkdaşlıq haqqında sazişdən çıxdı”, – Melniçuk yazıb.
Onun sözlərinə görə, Ukrayna da qeyd olunan saziş çərçivəsində 2003-cü il sentyabrın 18-də Yaltada və 25 noyabr 2005-ci ildə Moskvada imzalanmış əlavə və dəyişikliklərə dair protokollardan eyni şəkildə çıxıb.
