Ukrayna silahlı qüvvələri Rostov vilayətindəki Millerovo hərbi hava limanına pilotsuz uçuş aparatlarından istifadə edib. Vətəninfo.az xəbər verir ki, bu barədə vilayət qubernatorunun səlahiyyətlərini icra edən Yuri Slyusar özünün Teleqram kanalında məlumat verib. Onun sözlərinə görə, hava hücumundan müdafiə sistemləri hava limanı yaxınlığında 8 pilotsuz uçan aparatı məhv edib. Rusiya Müdafiə Nazirliyi bölgənin səmasında ümumilikdə doqquz pilotsuz uçuş aparatının vurulmasına aydınlıq gətirib. İlkin məlumata görə, ölən və xəsarət alan olmayıb.
“Bu, Rostovdur” Teleqram kanalı hadisə şahidlərinə istinadən yazır ki, atəş nəticəsində Millerovo küçələrindən birində yanğın baş verib. Millerovo Kazak Kadet Peşə Kollecinin binasına da ziyan dəyib. Qəzet yazır ki, tələbələr yataqxanalardan təxliyyə ediliblər.
Ukrayna Milli Təhlükəsizlik və Müdafiə Şurası yanında dezinformasiyaya qarşı mübarizə mərkəzinin rəhbəri Andrey Kovalenko Millerovo hava limanının Rusiya üçün strateji əhəmiyyətini vurğulayıb. Millerovo hava limanında diskoteka. Rusiya üçün Rostov vilayətində strateji hava limanıdır. O, Ukraynanın şərqində və cənubunda fəaliyyət göstərən rus piyadalarına dəstək missiyalarını yerinə yetirən cəbhə aviasiyası üçün baza rolunu oynayır”, – deyə o bildirib. Millerovo hava limanı eyniadlı şəhərdən dörd kilometr şimal-qərbdə yerləşir.
“Hərbi Xəbərçi” mənbələrə istinadən xəbər verir ki, Morozovski hərbi hava limanına da hücum edilib, lakin hələ də bu məlumatın rəsmi təsdiqi yoxdur.
