Rusiya qazının Ukrayna ərazisindən tranziti müvafiq müqavilənin müddətinin başa çatması ilə əlaqədar 2025-ci il yanvarın 1-də səhər saatlarında dayandırılacaq.
Vətəninfo.az xəbər verir ki, bu barədə Ukraynanın baş naziri Denis Şmıqal Ali Radada çıxışı zamanı bildirib.
Ukraynanın “Nevtoqaz”ı ilə Rusiyanın “Qazprom” şirkəti arasında tranzit müqaviləsi 2019-cu ilin sonunda beş il müddətinə imzalanıb.
Rusiyadan qaz Avropa ölkələrinə Ukrayna ərazisi ilə çatdırılır.
“Bu gündən biz başa düşürük ki, qaz tranziti müqaviləsi 2025-ci il yanvarın 1-də başa çatır. Səhər saat 7-də həmin müqavilənin başa çatması ilə əlaqədar tranzit fiziki olaraq bağlanacaq”, – Şmiqal bildirib.
