İspaniyanın müdafiə naziri Marqarita Robles ölkənin şərqində sel və leysan yağışları nəticəsində itkin düşənlərin çox olduğunu açıqlayıb. Vətəninfo.az xəbər verir ki , bu barədə TASS nazirin Telecinco telekanalına müsahibəsinə istinadən məlumat yayıb.
“İtkin düşənlərə gəlincə, biz hələlik məlumatları yoxlaya bilmirik. Çoxlu itkin düşənlər var”, – Robles bildirib.
İspaniyada güclü yağış və daşqın qurbanlarının sayı 95-ə çatıb ki, onlardan 92-si Valensiyadadır. İspaniyanın digər bölgələrində də 3 nəfər pis havanın qurbanı olub.
Ölkə hakimiyyəti daşqın qurbanlarının xatirəsinə oktyabrın 31-dən noyabrın 2-dək matəm elan edib.
İspaniya ilə həmrəylik əlaməti olaraq Brüsselin Avropa məhəlləsində Avropa İttifaqının bayraqları endirilib.
