Vaşinqton Tbilisi ilə bağlı siyasətini dəyişməsə, Gürcüstan ABŞ-la münasibətlərinə yenidən baxacaq. Vətəninfo.az xəbər verir ki , bu barədə jurnalistlərə Gürcüstanın baş naziri İrakli Kobaxidze bildirib.
“Biz deyirik ki, (Gürcüstan və ABŞ arasında) münasibətlər belə davam etməməlidir. Əks halda, mövcud status-kvonu yenidən nəzərdən keçirməli olacağıq. Bu, bizim aydın mövqeyimizdir. Hər şey Amerika tərəfindən asılıdır”, – TASS Kobaxidzenin sözlərindən sitat gətirib.
Vaşinqtonla Tbilisi arasında münasibətlər Gürcüstan parlamentinin may ayında ABŞ və Qərbin fikrincə, Rusiyaya aid olan “Xarici təsirin şəffaflığı” qanununu qəbul etməsindən sonra xeyli pisləşməyə başlayıb. Gürcüstanda qanunun qəbuluna qarşı minlərlə nümayiş keçirilib.
ABŞ Müdafiə Nazirliyi bu yay planlaşdırılan Gürcüstan-Amerika Layiqli Tərəfdaş hərbi təlimlərini strateji münasibətlərə yenidən baxılması səbəbindən qeyri-müəyyən müddətə təxirə salıb.
Sentyabrın 16-da ABŞ Dövlət Departamenti insan hüquqlarının pozulmasında əli olduğu iddia edilən dörd Gürcüstan vətəndaşına, o cümlədən Daxili İşlər Nazirliyinin rəsmilərinə qarşı sanksiya tətbiq edib. Bundan əlavə, ABŞ yüksək rütbəli məmurlar, iş adamları, hüquq-mühafizə orqanlarının əməkdaşları və qanunvericilər də daxil olmaqla 60-dan çox Gürcüstan vətəndaşına səyahət məhdudiyyəti qoyub.
