ABŞ paytaxtının polisi gücləndirilmiş xidmət rejiminə keçib. Minlərlə insan İsrailin baş naziri Binyamin Netanyahunun Konqresdə gözlənilən çıxışına etiraz etmək üçün mitinq keçirib. Vətəninfo.az xəbər verir ki , bu barədə RİA Novosti məlumat yayıb.Hüquq-mühafizə orqanlarının məlumatına görə, etirazçıların sayı təxminən 50 minə çata bilər. Nyu-Yorkun 200-ə yaxın asayiş keşikçisi şəhər polisinə qoşulub. İnsanlar Pensilvaniya prospektində Kapitol binasının yaxınlığında toplaşıblar. Etirazçılar Qəzzada atəşkəs və ABŞ-ın İsrailə hərbi yardımını dayandırmağa çağıran Fələstin bayraqları və pankartlar açıblar. Yəhudi təşkilatları daha əvvəl bu aksiyanı keçirmək niyyətində olduqlarını bildirmişdilər. Bazar ertəsi Vaşinqtona getməzdən əvvəl Netanyahu İsrailə verdiyi dəstəyə görə ABŞ prezidenti Co Baydenə şəxsən təşəkkür edəcəyini bildirib. O, həmçinin Konqresi əmin etmək niyyətindədir ki, ABŞ-da keçiriləcək prezident seçkilərinin nəticələrindən asılı olmayaraq, İsrail ABŞ-ın Yaxın Şərqdəki ən mühüm müttəfiqi olaraq qalır.İsrailin baş nazirinin iyulun 25-də Bayden və ölkənin yeni prezidentliyə namizədi Kamala Harrislə, ertəsi gün isə ABŞ prezidentliyinə Respublikaçılar Partiyasından namizəd Donald Trampla görüşəcəyi gözlənilir.
Vaşinqtonda İsrail baş nazirinin ABŞ Konqresindəki çıxışına etirazlar keçirilir
