Macarıstanın baş naziri Viktor Orban bildirib ki, İsveçin NATO-ya üzvlüyünü təsdiqləmək üçün tələsmək lazım deyil.
Vətəninfo.az xəbər verir ki, Macarıstan parlamentində çıxış edən Viktor Orban deyib:
“İsveçin təhlükəsizliyinə heç bir təhlükə yoxdur”.
Macarıstan iyun ayında İsveçin NATO-ya üzvlüyünü təsdiqləməklə bağlı sessiyasının payıza qədər təxirə salındığını elan etmişdi.
Rusiya-Ukrayna müharibəsi başlayandan sonra Finlandiya və İsveç onilliklər boyu davam edən “hərbi neytrallıq” siyasətinə son qoymuşdu.
İki ölkə NATO-ya üzv olmaq üçün ötən ilin mayında müraciət etmişdi.
Xatırladaq ki, bu ilin aprelində Finlandiya NATO-ya üzv olmuşdu.
