Rusiya prezidenti Vladimir Putin və Şimali Koreya lideri Kim Çen In arasında ikitərəfli görüş başlayıb.
Görüşün əvvəlində Putin qeyd edib ki, Kim Çen Inı Rusiyaya səfəri çərçivəsində qəbul etməkdən çox xoşbəxtdir. Onun sözlərinə görə, Kim Çen Inla görüşü mühüm məqama təsadüf edir.
Vətəninfo.az xəbər verir ki, Putin Koreya Xalq Demokratik Respublikasının yaranmasının 75-ci ildönümünü xatırladıb və bildirib ki, SSRİ KXDR-i tanıyan ilk ölkə olub.
Rusiya lideri KXDR-in Koreya müharibəsində qələbəsinin ildönümünü əlamətdar tarix adlandırıb və SSRİ-nin KXDR-ə yardım etdiyini vurğulayıb.
Öz növbəsində Kim Çen In bütün qərarlarında Putini dəstəklədiyini bəyan edib.
