WhatsApp messenceri Rusiyada səsli zənglərin bloklanması ilə bağlı rəsmi bəyanat yayıb.
Şirkətin açıqlamasında bildirilir:
“WhatsApp məxfi ünsiyyəti təmin edir, standart olaraq ucdan-uca şifrələmə ilə qorunur və hökumətlərin insanların təhlükəsiz ünsiyyət hüququnu pozmaq cəhdlərinə qarşı dayanır. Məhz buna görə Rusiya hakimiyyəti ölkədəki 100 milyondan çox istifadəçimiz üçün WhatsApp-ı bloklamağa çalışır”.
WhatsApp vurğulayıb ki, ucdan-uca şifrələmə ilə qorunan ünsiyyətin dünyanın hər yerində, o cümlədən Rusiyada da əlçatan qalması üçün əllərindən gələni edəcəklərini bəyan edirlər.
2025-ci ilin iyul ayının nəticələrinə əsasən, WhatsApp Rusiyada 12 yaşdan yuxarı auditoriya arasında aylıq 96,2 milyon nəfərlik istifadəçi əhatəsinə malikdir.
Zənglərin bloklanması nə vaxt baş verdi?
Rusiya istifadəçiləri 10-11 avqust 2025-ci il tarixlərində WhatsApp və Telegram messencerlərində səsli zənglərlə bağlı nasazlıqlar barədə şikayətlər etməyə başlayıblar.
Forbes nəşrinin məlumatına görə, zənglərin bloklanmasını ölkənin aparıcı mobil operatorları — MTS, “Megafon”, “Beeline” və Tele2 — təşəbbüs göstərib.
Rəsmi qərar: Telegram və WhatsApp zənglərinə məhdudiyyət
13 avqustda Roskomnadzor (Rusiya Rəqəmsal Nəzarət İdarəsi) WhatsApp və Telegram-da zəng funksiyalarının “qismən məhdudlaşdırıldığını” rəsmi olaraq elan edib.
Qurum bu addımı “cinayətkarlarla mübarizə” məqsədilə atdıqlarını açıqlayıb.
