Avropa Komissiyasının (AK) prezidenti Ursula fon der Leyen bildirib ki, Avropa Komissiyası (AK) Ukraynanı dəstəkləmək üçün 90 milyard avroluq kredit çərçivəsində Kiyevə silah alınması üçün 3,3 milyard avro ayırır.
Vətəninfo.az xəbər verir ki, Avropa Komissiyasının mətbuat açıqlamasında fon der Leyenin sözləri sitat gətirilib: “Bu gün biz Ukraynaya dəstək kreditinin bir hissəsi olaraq dron və raketlərin alınması üçün 3,3 milyard avro ayırırıq. Avropa Ukraynaya öz xalqını və ərazisini müdafiə etmək üçün lazımi dəstəyi verməyə davam edəcək”.
Hesabatda qeyd olunur ki, tranş Kiyevin hava hücumundan müdafiə ehtiyaclarını, o cümlədən Patriot sistemləri üçün PAC-3 raketlərini ödəməyə yönəlib. 11 sentyabrda Avropa Komissiyası Ukraynanın hava və raket hücumundan müdafiəsi, eləcə də digər müdafiə ehtiyacları üçün 6,1 milyard avro ayırmağı təsdiqləyib.
