Azərbaycan xarici işlər naziri Ceyhun Bayramov Ankarada Türk Dövlətləri Təşkilatının (TDT) Xarici İşlər Nazirləri Şurasının iclasında çıxış edib.
Vətəninfo.az xəbər verir ki, bu barədə Azərbaycan XİN məlumat yayıb.
Nazir çıxışında Türkiyəni Cümhuriyyət Bayramının 103-cü ildönümü münasibətilə təbrik edib, həmçinin TDT çərçivəsində iqtisadiyyat, nəqliyyat, təhlükəsizlik və müdafiə sənayesi sahələrində əməkdaşlığın daha da genişləndirilməsinin vacibliyini diqqətə çatdırıb. C.Bayramov Azərbaycanın təşkilatın nüfuzunun artması və effektivliyinin gücləndirilməsi istiqamətində səylərini davam etdirəcəyini vurğulayıb.
