“Münxen Təhlükəsizlik Konfransı çərçivəsində keçirilən panel müzakirələrində Ermənistan lideri daha bir absurd bəyanatı ilə yadda qaldı. Paşinyanın sözlərinə görə, 30 ilə yaxın müddət ərzində işğal altında olan torpaqlarımızda viran qoyulmuş və təhqir edilmiş məscidlərimizi ermənilər deyil, sovet hökuməti dağıdıb.” –Vətəninfo.az xəbər verir ki, bu fikirləri millət vəkili Elnur Allahverdiyev səsləndirib.
Millət vəkili bildirib ki, erməni tərəfi bu yalanlarla dünyanı inandırmağa çalışsa da, bunlar inandırıcı deyil.
“Təbii ki, gülünc iddiadır, ancaq yenə də: şəkildə gördüyünüz Ağdam rayonu, Qiyaslı kənd məscidir. XIX əsrdə inşa olunub. 1993-cü ilin yayında kəndin işğalınadək fəaliyyət göstərib. Paşinyan hesab edir ki, bu məscid SSRİ dövründə, yəni 1991-ci ilədək dağıdılıb…” -deyə millət vəkili əlavə edib.
