Bu gün Prezident Əliyevin sərəncamı ilə Xəzər Fərhadov Azərbaycanın Malayziyada fövqəladə və səlahiyyətli səfiri təyin edilib.
Vətəninfo.az diplomatın tərcümeyi-halını təqdim edir:
Xəzər Nadir oğlu Fərhadov 26 iyun 1975-ci ildə Şirvan şəhərində anadan olub. 1996-cı ildə Qazi Universitetinin İqtisadiyyat və İdarəetmə fakültəsinin Beynəlxalq Münasibətlər fakültəsini bitirib. 2004-cü ildə Bakı Dövlət Universitetinin Beynəlxalq Münasibətlər və Beynəlxalq Hüquq fakültəsini bitirib.
1997-ci ildən 1998-ci ilə qədər Azərbaycan XİN-in İslam Əməkdaşlıq Təşkilatı şöbəsinin köməkçisi, 1998-ci ildən 2002-ci ilə qədər XİN-in Asiya, Afrika və Latın Amerikası ölkələri şöbəsinin köməkçisi, attaşesi və üçüncü katibi, 2002-ci ildən 2006-cı ilə qədər XİN-in İkinci (Şərq) Departamentinin ikinci katibi, birinci katibi və şöbə müdiri vəzifələrində çalışıb.
2006-cı ildən 2008-ci ilə qədər Səudiyyə Ərəbistanındakı Azərbaycan səfirliyində müşavir vəzifəsini tutub. Daha sonralar, 2008-ci ildən 2019-cu ilə qədər XİN- də müxtəlif vəzifələrdə çalışıb. 2019-cu ildən 2021-ci ilə qədər xüsusi tapşırıqlar üzrə səfir vəzifəsini tutub.
16 iyul 2021-ci ildə ona ikinci dərəcəli fövqəladə və səlahiyyətli elçi rütbəsi verilib.
2021-ci ildən Pakistanda səfir olub.
Türk, ingilis, rus və yapon dillərini bilir.
