Diasporla iş üzrə Dövlət Komitəsinin sabiq sədri Nazim İbrahimovun sosial şəbəkələrdə yayılan görüntüləri müzakirələrə səbəb olub. Vətəninfo.az xəbər verir ki, uzun müddətdir Ukraynada yaşayan sabiq komitə sədrinin paylaşdığı fotosu sosial şəbəkə istifadəçiləri tərəfindən birmənalı qarşılanmayıb. Xatırladaq ki, fotodan göründüyü kimi imicini dəyişən sabiq komitə sədri vəzifədən çıxarıldıqdan sonra Ukraynadakı biznesini idarə edir.
Sabiq komitə sədrinin Ukraynada böyük biznes şəbəkəsinə sahib olması heç kəsə sirr deyil. O, öz biznesini hələ Ukraynada səfir olarkən yaratmağa başlayıb. Sonrakı illərdə isə şəbəkəni genişləndirərək, nəhəng maliyyə imperiyası qurmağa müvəffəq olub. Bu imperiyaya, ticarət mərkəzləri, müxtəlif profilli mağazalar, otellər və restoranlar daxildir.
