Ondan Almaniyanın nüvə silahı hazırlamaq üçün nə qədər vaxt lazım olacağı soruşuldu.
“Çox qısa müddət. Bu, bir neçə ay məsələsi ola bilər. Almanların bunun üçün nüvə materialı var, bunu necə edəcəyini bilirlər. Onlarda bütün texnologiya var”, – deyə Qrossi cavab verib.
Eyni zamanda o, bunların sadəcə “hipotetik fərziyyələr” olduğunu vurğulayıb.
MAQATE rəhbəri onu da qeyd edib ki, Nüvə Silahlarının Yayılmaması Müqaviləsinə riayət etmək Avropa ölkələrinin maraqlarına cavab verir.
“Beynəlxalq münasibətlərdə heç bir dövlət, xüsusən də güclü dövlət altruizmi rəhbər tutmur. O, öz maraqlarından çıxış edir. Avropa ölkələri belə qənaətə gəliblər ki, hər kəsin nüvə silahına sahib ola biləcəyi dünya fəlakətə gətirib çıxaracaq”, – o izah edib.
MAQATE rəhbərinin sözlərinə görə, Qərbi Avropa ölkələri, bir çox Asiya ölkələri, hətta Fars körfəzinin bəzi ölkələrinin nüvə silahı yaratmaq imkanları var.
“Əgər hər kəs istədiyi kimi hərəkət etsə, o zaman cəngəllik qanununa qayıdacağıq” dedi.
İyun ayında Bundestaqdakı Xristian Demokrat İttifaqı (CDU/CSU) fraksiyasının sədri Yens Spahn bəyan etdi ki, Almaniyada yerləşdirilən Amerika nüvə silahları Rusiyanı çəkindirmək üçün kifayət deyil, ona görə də onun fikrincə, Almaniya və ya Aİ Fransa və ya Böyük Britaniyanın nüvə arsenalına çıxış əldə etməlidir.
