Suriya hökuməti druz azlığının xarici dövlətin işlərinə cəlb olunmasına icazə verməyəcək və Suriya xalqı müharibədən qorxmur. Vətəninfo.az xəbər verir ki, bu fikirləri Suriyanın müvəqqəti prezidenti Əhməd əl-Şaraa deyib.
O, Suriya üçün druz vətəndaşlarının və onların hüquqlarının müdafiəsini prioritet hesab edib.
Çərşənbə günü İsrailin Dəməşqə ağır hava zərbələri endirməsindən sonra ilk televiziya çıxışında əl-Şaraa druz azlığına müraciət edib.
“Biz müharibədən qorxmuruq, lakin Suriya xalqının maraqlarını məhv olmaqdan üstün tutmuşuq. Sizin (druzların) hüquqlarınızı qorumaq bizim prioritetimizdir və sizi xarici qüvvənin əlinə çəkmək cəhdini rədd edirik”, – o deyib.
Suriya lideri əlavə edib ki, Suriya “müharibədən qorxanlardan deyil”.
“Suriya xalqı müharibədən qorxmur və ləyaqəti təhlükə altında olarsa, döyüşməyə hazırdır”, – müvəqqəti prezident vurğulayıb.
Druzlar İsrail, Suriya və Livanda yaşayan bir milyona yaxın ərəb dini azlığıdır.
Xüsusilə, Suriyanın cənubundakı Əs-Suveyda əyalətində on ildən artıqdır davam edən vətəndaş müharibəsi zamanı druzlar dəfələrlə Bəşər Əsəd rejiminin hökumət qüvvələri ilə radikal yaraqlılar arasında çarpaz atəşə məruz qalıblar.
